Tumhien ek bar phir se woh

Tumhien ek bar phir se woh

Mohabbat na milay shayad

Jo tum se rooth bethi hai

Tumhari kam-naseebi hai



Yeh kis ne keh diya tum se

K ab kuch bhi nahin baaqi

Ye batain sach nahee'n jana'n

K ab kuch bhi naheen baqi

Abhi umeed baqi hai......



K beshak is qayamat main

Buhuat se khuwab tootey hain

Magar ankhain salamat hain

Bohat se saath chutaey hain

Magar saansain salamat hain



Chalo phir faisla kar lain

K in veeran ankhon main

Naye kuch khwab rakh dain gey

Mohabbat k haseen jazbey se

dil phir shaad kardian gey



Hum is tareek shab se phir nayi subhain nikalain ge

Hum is malbey ke neechey se hayat-e-nou nikalain gey

Naye imkaan tarashain gey



Khuda ke fazl se kuch bhi to na mumkin nahin hota

Ke ab dushwar raahon main koi tanha nahin hota

To phir kis ne kaha tum se

Ke ab kuch bhi nahin baqi



Abhi hai hosla zinda, abhi umeed baqi hai…….!!!