MyUrduStuff

Wednesday, January 19, 2011

meri tarhan se koi hai jo zindagi apni

dhanak dhanak meri poro.n ke khaab kar daiga

wo lams mere badan ko gulaab kar daiga



qabaae.n jism ke har taar se guzarta hua

kiran ka piyaar mujhay aaftaab kar daiga



main such kahungi magar phir bhi haar jaungi

wo jhoot bolega aur lajawaab kar daiga



ana parst hai itna ke baat se pehle

wo uth ke band meri har kitaab kar daiga



usi tarhan se agar chahta raha paiham

sukhan war mai mujhay intekhaab kar daiga



meri tarhan se koi hai jo zindagi apni

tumhari yaad ke naam intesaab kar daiga

No comments:

Post a Comment