Isi Se Hota Hai Zahir jo Haal Dard Ka Hai Sabhi Ko Koi Na Koi Wabaal Dard Ka Hai

Isi Se Hota Hai Zahir jo Haal Dard Ka Hai
Sabhi Ko Koi Na Koi Wabaal Dard Ka Hai

Seher Sissaktay Huay Aasmaan Se Utreee To
Dil Ne Jaan Lia Yeh Bhi Saal Dard Ka Hai

Ab Is K Baad Koi Rabta Nahin Rakhna
Yeh Baat Taey Hui Lekin Sawal Dard Ka Hai

Yeh Dil ,Yeh Ujree Hui Chasham-e-Num,Yeh Tanhayee
Humaray Pass To Jo Bhi Hai Maal Dard Ka Hai

Yeh Jhaank Laiti Hai Jo Doosray Dil Main
Meri Nigah Main Yeh Sara Kamal Dard Ka Hai

Hum Us Ko Dekhtay Jatay Hain ,Rotay Jatay Hain
Yeh Sehen-e-Shab Main Para Hai Jo Thaal Dard Ka Hai

Wahein Kahein Kisi Ghatee Main Tera Hijur Bhi Hai
Meray Lahoo Se Jahan Ittisaal Dard Ka Hai

Nafs , Nafs Pe Paray Aabloon Se Lagta Hai
Na Janay Rooh Main Kab Se Ubaal Dard Ka Hai

Kisi Nay Poocha K Bohat Haseen Ho Tum
To Muskura K Kaha Sab Jamal Dard Ka Hai….!!!