Aj mein ne apna ek khuwab kho diya ...

Aj mein ne apna ek khuwab kho diya ...
Aankhon ke ragzaar mai saraab kho diya ...

Manind rait haath se lamhe phisal gaye...
Rah e hayaat mein kuch aese log mil gaye...

Kyun bewajah ankhon mai kuch sapne saja liye...?
Dil mai kisi ke piyar ke chiragh jala liye...

Ab zindagi ki dor suljhaon to kis tarha ...?
Had-e nazer se lot ker aaon to kis tarha ...?

Socha nahi tha chah mai itna bikhar jaon gi mein...
Apni hi nigah mai khud aap gir jaon gi mai ...

Sunti hoon dil ki oor se halki si chaap ko ...
Jab bhi kabhi samait ti hoon apne aap ko ...

Jo aas bhi lagai wo dil tor kar gai ...
Kyun umeed k shehr mein mai dur tak gai ...?

Jhatke mein koi mujh se mera aetebaar le gaya ...
Aur saath mein zindagi k dard aur ansoo de gaya ...

Ek ishara chahiye mujh ko kisi tadbeer ka ...
Aur badal daloon mei saffah apni taqdeer ka ...

Apne pairon per to mai phir se khari ho jaon gi ...
Per fareb e aarzoo mein phir kabhi na aaon gi .....!!!!