agaz to hota hai anjam nahin hota
jab meri kahani main wo nam nahin hota
jab zulf ki kalikh main ghul jaye koi rahi
badnam sahi lekin gumnam nahin hota
hans hans k jawan dil k ham kyon na chunain tukre
har shakhs ki qismat main inaam nahin hota
behte hue ansu ne ankhon se kaha tham kar
jo mai se pighal jaye wo jam nahin hota
din dube hain ya dubi barat liye kashti
sahil pe magar koi kohram nahin hota
No comments:
Post a Comment